ಭಾರತದಲ್ಲಿ ಕೊರೋನಾದಿಂದಾಗಿ ಶೇಕಡಾ 50 ಕ್ಕಿಂತ ಹೆಚ್ಚು 50 ವರ್ಷದ ಮೇಲ್ಪಟ್ಟವರೇ ಬಲಿ

ರೋಗ ನಿರೋಧಕ ಶಕ್ತಿ ಕಡಿಮೆಯಾಗಿರುವುದರಿಂದ ಪ್ರಾಯವಾದವರಿಗೆ ಕೊರೊನಾ ವೈರಸ್ ಬೇಗನೇ ತಗುಲುವ ಸಾಧ್ಯತೆಯಿದ್ದು, ಸಾವು ಸಂಭವಿಸುವ ಅಪಾಯ ಜಾಸ್ತಿಯಾಗಿದೆ. ಇದನ್ನು ಸರಕಾರ ಬಿಡುಗಡೆ ಮಾಡಿರುವ ಅಂಕಿಅಂಶಗಳು ಸಾರುತ್ತಿದೆ
ಭಾರತದ ಜನಸಂಖ್ಯೆಯ ಶೇಕಡಾ 10ರಷ್ಟಿರುವ ವೃದ್ಧರು, ದೇಶದ ಒಟ್ಟು ಕೋವಿಡ್ 19 ಸಾವುಗಳ ಪೈಕಿ ಶೇಕಡಾ 50ಕ್ಕಿಂತಲೂ ಹೆಚ್ಚು ಪ್ರಕರಣಗಳನ್ನು ಹೊಂದಿದೆ ಎಂಬ ಮಾಹಿತಿಯನ್ನು ಒದಗಿಸಿದೆ. 
ಇದರ ಜೊತೆಗೆ ಶೇಕಡಾ 73ರಷ್ಟು ಸಾವಿನ ಪ್ರಕರಣಗಳು ಆರೋಗ್ಯ ತೊಂದರೆ ಇರುವವರನ್ನು ಸೇರಿದೆ. ಹಾಗಿದ್ದರೂ ಇತರೆ ದೇಶಗಳಿಗೆ ಹೋಲಿಸಿದಾಗ ಕೋವಿಡ್ ಸಾವಿನ ಸಂಖ್ಯೆ ನಿಯಂತ್ರಿಸಲು ಭಾರತ ಯಶಸ್ವಿಯಾಗಿದೆ ಎಂದು ಸರಕಾರ ಸರಕಾರ ಸಮರ್ಥಿಸಿಕೊಂಡಿದೆ. 

ಭಾರತ ಜನಸಂಖ್ಯೆಯ ಶೇಕಡಾ 8ರಷ್ಟು ಹೊಂದಿರುವ 60ರಿಂದ 74 ವರ್ಷದ ಜನರು, ಕೋವಿಡ್ 19 ಸಾವುಗಳಲ್ಲಿ ಶೇಕಡಾ 38ರಷ್ಟಿದೆ. ಶೇಕಡಾ 2ರಷ್ಟು ಜನಸಂಖ್ಯೆಯನ್ನು ಪ್ರತಿನಿಧಿಸುವ 74 ವರ್ಷಕ್ಕೂ ಮೇಲ್ಪಟ್ಟ ಜನರು, ಕೋವಿಡ್ ಒಟ್ಟು ಸಾವುಗಳಲ್ಲಿ ಶೇಕಡಾ 12ರಷ್ಟಿದ್ದಾರೆ ಎಂದು ಸರಕಾರ ವರದಿಯು ತಿಳಿಸಿದೆ. 

ಜಾಗತಿಕ ಸಾವಿನ ಪ್ರಮಾಣವು ಶೇಕಡಾ 6.13ರಷ್ಟಾಗಿದೆ. ಇನ್ನೊಂದೆಡೆ ಭಾರತದಲ್ಲಿ ಸಾವಿನ ಪ್ರಮಾಣವು ಶೇಕಡಾ 2.82ರಷ್ಟಾಗಿದೆ. ಇದು ಜಾಗತಿಕ ರಾಷ್ಟ್ರಗಳನ್ನು ಹೋಲಿಸಿದರೆ ಪರಿಣಾಮಕಾರಿಯಾಗಿದೆ ಎಂದು ಆರೋಗ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಲಾವ್ ಅಗರ್ವಾಲ್ ತಿಳಿಸಿದರು. ಭಾರತದಲ್ಲಿ ಪ್ರತಿ ಲಕ್ಷ ಜನಸಂಖ್ಯೆಗೆ ಸಾವಿನ ಪ್ರಮಾಣ ಶೇಕಡಾ 0.41ರಷ್ಟಾಗಿದ್ದು, ಜಾಗತಿಕವಾಗಿ 4.9ರಷ್ಟಾಗಿದೆ ಎಂಬುದನ್ನು ಲಾವ್ ಅಗರ್ವಾಲ್ ಸೇರಿಸಿದರು.