ಅಲೆವೂರು ಕರ್ವಾಲು ಪರಿಸರದಲ್ಲಿ ಚಿರತೆ ಹಾವಳಿ

ಅಲೆವೂರು ಗ್ರಾಮ ಪಂಚಾಯತ್ ವ್ಯಾಪ್ತಿಯ ಕರ್ವಾಲು, ಮೂಡು ಅಲೆವೂರು, ಪ್ರಗತಿನಗರ ಭಾಗದಲ್ಲಿ ಕಳೆದ ಸುಮಾರು ಹದಿನೈದು ದಿನಗಳಿಂದ ಸುಮಾರು 5 ಚಿರತೆಗಳು ಒಡಾಡಿಕೊಂಡಿದ್ದು ಸ್ಥಳೀಯರು ಸಂಜೆ ಹೊತ್ತಲ್ಲಿ ಹೊರಗಡೆ ತಿರುಗಾಡಲು ಭಯಪಡುವಂತಹ ವಾತಾವರಣ ನಿರ್ಮಾಣವಾಗಿದೆ. ಸಂಜೆ ಆರು ಗಂಟೆಯ ನಂತರ ಕರ್ವಾಲು ಪ್ರಗತಿನಗರ ರಸ್ತೆಯ ಫಾಲ್ಕೆ, ತೋಟ ರಸ್ತೆ, ಸ್ಕೌಟ್ ಗೈಡ್ಸ್ ಕ್ಯಾಂಪಸ್ ಬಳಿ, ಕಲ್ಲಕುಮೇರಿ, ಮೂಡುಅಲೆವೂರು ಶೆಟ್ಟಿಗಾರ್ ದೇವಸ್ಥಾನ ಬಳಿ ಅಲ್ಲಲ್ಲಿ ಎರಡು ದೊಡ್ಡದು ಹಾಗೂ ಮೂರು ಚಿರತೆ ಮರಿಗಳನ್ನು ಕಂಡು ಭಯಪಟ್ಟಿರುವರು. ಈ ಕುರಿತಂತೆ ಫಾರೆಸ್ಟ್ ಆಫೀಸರುಗಳಿಗೆ ತಿಳಿಸಿದರೂ ಗಮನ ಹರಿಸುತ್ತಿಲ್ಲವೆಂದು ಸ್ಥಳೀಯರು ದೂರಿರುತ್ತಾರೆ. ಕೂಡಲೇ ಅರಣ್ಯ ಇಲಾಖಾಧಿಕಾರಿಗಳು ಎಚ್ಚೆತ್ತುಕೊಂಡು ಸಂಭಾವ್ಯ ಅಪಾಯವನ್ನು ತಪ್ಪಿಸಬೇಕೆಂದು ಸ್ಥಳೀಯರು‌ ವಿನಂತಿಸಿರುವರು.